1. Aintzintxeago, orratzen dantza

Arezko zol idorra atzean utzi nahia.
Argia, ogia, ura, zura, buruan bueltaka.
Aintzintxeago hurbilduta
irudi hotzak, okertuak.
Arnasa sakon hartu,
eskuak sakeleratu eta
orratzen dantzak berean segitzen du.
Bidean ura, begiekin ere itotzeko aukera,
bihotza lasterka mantendu nahirik,
aintzintxeagotik nabaritzen da zorionaren deia.

2. Izardun irudimena

ilargi ttiki fina eta misteriozko aurpegiak
5/25-aren bisitaren zai.
zenbat lasaitu ninduen gaixo mosu bakarra ez izateak.
zenbat bizitu ninduen ile hark,
zenbat beldurtu, hogeitagehigogarren bata izateak.
etxera bidean, larri samar semaforo artean, pareak
erdi jostetan.

goizeko egunkarien ondoan, ilargia eskuinetara.
ia 20:30ak baziren.
zenbat poztuko nindukeen momentuan hitzik nuela
usteko banu,
erregalatzeko.

3. Sax

Gizon batek ahantzita utzitako boligrafo batekin
marrazkiak eginez, kontentu.
Ez baita egunero hain urrundik ekarritako jostailu batekin
funts guttiko esaldiak dantzan jartzeko aukerarik izaten.

4. Sping

Tamainan bezain ttiki zen denboran
ume baten ipurdiko azaleko galaxian.
Ta eboluzionatu zuen, garatu zen. Ta zikindu zen. Ta
kutsatu zen. Ta biztanleak hirukoiztu. Ta gehiago
kutsatu.

Haurrak gaur sumatu du. Ta zulatu du, ta zanpatu du.
Ta ispiluaren aurrean...

5. Hitzez ulertu ezin dena omendu nahi nuke. Oraintxe!

6. HHHH!

Nire tripak dira; zarata jasangaitza.
Jo dut nire sabela eta orain nire oihuak dira zarata.
Zarata gordina. Ta estali dut ahoa,
ta orain taupadak dira.
Nire begiek ez dute jasan nahi eta ihesi doaz.
Ta begirik gabe ez naiz ni.